Share this:

If I learned a lesson in this life, it will be the following:
Some people have freedom for granted, others don’t have it at all and others will struggle to get it.
What is really shameful not talking about oppression.
Those who talk about ”human rights” should have a free spirit and an open mind to believe that injustice exist before talking about instructing ”Human rights”!

The psychological turmoil of three women / مشكل النسا في تونس

المرة هذي بش نحكي إبلهجتي. عند صديق نشكرو على خاطر هو إقترح علي نجرب نكتب بدارجة. 

المهم ، يا سيدك بن سيدك اليوم بش نحكيلكم على تلاثة نسا . وحدة تحب تبني قصر ملعلم ووحدة تحب تبني قصر مذهب و وحدة تحب تبني قصر مل أحلام . تلاثة هذم يعيشوا في عيلة بسيطة برشا. البو كان إمام جامع ومات ولم مسكينة جاهلة ، بنت ببالله كما نقول احنا . عرست بالرجل وهي متعرش وجهو حت نهار العرس. جابت منو هى تلاثة بنات ووليد.

اجة يا زمان ومشي يا زمان ، الاولاد كبروا وعرستلهم زادة هومة . اللولا مكملتش قريتها بطبيعة أما مزلة تحب تبني قصر العلم وعاشت مع رجلها في ريف ولا خلينا نقولو مدينة صغيرة. السيد طلع صعيب واناني. ياخي هي حطت حبها الكل في بنتها وحولت قد متنجم بش تقنعها إلي قصر العلم هو الطريق الوحيد للمرة في تونس بش تتحرر . الطفلة مكنتش ملعكسين ، ديمة تجي لولا وجوه أهل جو ومها فرحانة ، يا سعدي وش عندي بنتي ناجحة كل عام وعم. إي أوك فتكم بالحديث في نفس الوقت لخرى إلي هبت تبني قصر امن ذهب خذت واحد من عملنا بلخرج ، لحقيقة عرسولهة به وهي على خاطر خوها كن ديمة يمرمد فيها ومتاعبها قالت ناخذ ونهج من هل بلد ونرتاح وتوا البرة نبني القصر متاعي . توا قعدت كان أكلي تحب تبني قصر مل أحلام .

الحاصل، للا إلي مشت البرة، رجلها وراها الويل أما كنت ديمة تسكت ومتحكي  إلحد من عيلته وديمة تروح إلتونس هي لابسة ذهب، هي لابسة مذخمة ،وولدها كن ديمة هما إلي محطوطين فوق العرجون . ولخرة بنت الكبيرة مسكينة قد ماتقر وتعمل شي حتى حد ميحكي عليها وهي سكتة.

كي يتلمو الكل ما بعضهم ديمة الكبيرة تشد أختها الصغيرة وتقولها هو أمورنا المادية إتيسرت ونتي أكهو قاعدة مع أمي، علاش متقرش، يهديك كامل قريتك رو انا كن جيت نجم راني عمري منوفق نعرس . لخرى تلف ومتعبرهش وتتلهى كن باللي تجي من الخارج.

والوقت يمشي و البنية الصغيرة تبني في قصر إلأحلام ، كل ديمة تقول انا ونة ونة وكان جيت عندي شكون وكان جيت لقيت شكون و قفلي راني عملت وراني سويت … مل اخر اصحيح يجيبوا ربي

عدة فتكم بالحديث ، لخرى إلي تحب تبني قصر إلعلم زادة اش عملت بعد مقرات بنتها عرستلهة إلواحد مل الخارج ، مسكينة نيتها تكمل قريتها إلبرى خير خاصةً بعد مابنته تعبت ملضلم إلي تشوف فيه وهكا القصر إلي بنتو زادة مشا للبرى وقيمة يقول المثل التونسي – كي قنديل باب منارة ميذوي كن عل براني – اكاك بنت الاخت الكبيرة . نفعت اب علمها وموهبته إلخارج … أما إلي حبة تبني قصر الذهب ، اذيكة بناتو بالحق !! أما مش في تونس وهي إلوحيدة إلي عنيت إلبرى أما بنىت قصرها وحتى التوا هي محبوبة البرة والدخل .

الخلاصة، المشكل إلي في تونس إلي وكما يقولوا – تبع خطوة إلحمام ياخي تلف ختوتبو – ونزيدكم إلي يبات يركز مع الناس وش عملوا وش سواو وتلهى يعلقعلة غيروا عمرو مايقدم أما إلي يتلف الشعب ويحول يعمل حاجة هو إليوصل …

أنا نعرف إلي في تونس، مجتمعنا يسر ضالم ونعرف إلي برشة بنات تحب توصل أما انا نحب نقلهم إلي أذ انتوما برسمي تحبو تعملوا حاجة ، لزم تعبيو ارواحكم بالمعرفة قبل والحكمة، وول حاجة تعاملها تخرجوا من قوقعة – كن جيت وكان عندي – أي انسان مهما كن جنس قادر ، لزم نوقف الكل ونقول لا إلأول مشكل ، لزم نتحرر مل فكر السلبي قبل منلم غيرنا .. عيلتنا يغلط وحنا قادرين نسلحولهم ، مش بالتعري ولا إبلبسن إلمحزوك ولا بلاستسلم إلوقع العرس من راجل أما بالعلم والتطبيق … بالحق يوجعني كي نرى نساء تقرا وتقرا من بعد تشد ادار وتبكي الخاطر مش معرسين …

Written by AG

P.S: An English and French translation will be provided